Bild í þrívídd!
Á laugardaginn, 28. ágúst, kemur úr mjög sérstök útgáfa af þýska blaðinu Bild en þá verða allar myndir og auglýsingar í blaðinu í þrívídd. Blaðið kemur út í 3,8 milljón eintaka daglega og mun það gefa kaupendum þrívíddargleraugu með blaðinu svo hægt sé að njóta þrívíddarinnar til fulls. Textinn í blaðinu verður hins vegar með hefðbundnum hætti. Í netútgáfu blaðsins verða svo fleiri atriði í boði í þrívídd þennan dag s.s. ýmis myndskeið og myndir. Tilgangurinn með þessu er fyrst og fremst að vekja athygli á blaðinu, en ýmis blöð hafa áður farið út í herferð af þessu tagi s.s. blaðið La Derniere Heure í Belgíu og The Sun í Bretlandi. Þá hefur verið bent á að þarna sé líka verið að prófa og þróa nýja tækni og fjölbreytni í prentmiðlum, sem hugsanlega gætu hjálpað þeim í samkeppni við net- og ljósvakamiðla.
Sjá einnig hér
