Árni Jónsson frá Múla ((1891-1947))

Árni fæddist á Reykjum í Reykjahverfi, sonur Jóns Jónssonar alþingismanns í Múla. Hann var m.a. þingmaður Norð-Mýlinga og ritstjóri allmargra blaða um tíma. Hann var ritstjóri Ísafoldar og Varðar í Reykjavík 1928-1930. Hann var síðan á fjórða ár á Seyðisfirði og gaf þar út og ritstýrði vikublaðinu Austfirðingi. Þá var hann stjórnmálaritstjóri og blaðamaður dagblaðsins Vísis til 1942. Ritstjóri Þjóðólfs og síðan Íslands var hann 1942 til 1944. Þá starfaði hann hjá Morgunblaðinu um tíma, einkum við stjórnmálaskrif. Árni vann að ritstörfum í Reykjavík eftir það til æviloka og sat  um tíma í útvarpsráði. Hann var faðir Jónasar Árnasonar, blaðamanns og alþingismanns, og Jóns Múla Árnasonar, útvarpsmanns.