Sólrún Jensdóttir (1940– )

Sólrún fæddist í Reykjavík 22. júlí. Foreldrar hennar voru Jens Benediktsson blaðamaður (sjá Blaðamannaminni á press.is) og Guðfríður Guðmundsdóttir. Hún lauk stúdentsprófi frá Verzlunarskóla Íslands 1960, BA-prófi í íslensku og sagnfræði frá Háskóla Íslands 1971, stundaði nám í sagnfræði við Rice-háskóla í Houston, Texas 1974–1975, og lauk M. Phil-prófi í sagnfræði frá London School of Economics 1980.

 Hún var blaðamaður á Morgunblaðinu 1960–1965 og 1969 en stundaði eftir það stundakennslu í sögu við bæði Verzlunarskóla Íslands og Menntaskólann í Hamrahlíð, svo og í sagnfræði við University of London og Háskóla Íslands. Hún var aðstoðarmaður menntamálaráðherra 1983–1984, skrifstofustjóri ráðuneytisins 1984–2007 og eftir það verkefnisstjóri í ráðuneytinu til starfsloka 2010.

http://www.bokin.is/index.php?manufacturers_id=550