Aðalfundur BÍ fór fram í gær í Blaðamannakúbbnum í Síðumíla 23. Fundurinn var markviss og fram kom í skýrslu Hjálmars Jónssonar, formanns að rekstur félagsins hafi verið góður í fyrra, hagnaður hafi verið af starfseminni og fjárhagsleg staða BÍ góð. Ekki urðu miklar breytingar á forustu og trúnaðarmönnum félagsins og er Hjálmar áfram formaður og Ragnhildur Aðalsteinsdóttir varaformaður. ( Sjá uppfærðan lista yfir stjórn og trúnaðarmenn hér)
Framundan eru kjarasamningar hjá blaðamönnum og var fyrsti samningafundurinn haldinn í dag, föstudag. Kröfur vegna kjarasamningaviðræðna 2019 eru fjölbreyttar og hér á eftir má sjá lista yfir kröfugerðina:
1. Blaðamönnum sé að lágmarki tryggð sambærileg launaþróun og öðrum stéttum.
2. Opið verði milli 1. og 2. flokks.
3. Launaflokkar og starfsaldurshækkanir taki í auknum mæli mið af aukinni menntun og hærri starfsaldri í stétt blaðamanna
4. Ákvæði kjarasamninga um vaktavinnu verði yfirfarin og það skoðað hvort hagkvæmt sé að hverfa frá jafnaðarálagskerfi og taka í staðinn upp hlaupandi vaktaálag.
5. Sett verði inn ákvæði sem tryggja réttindi hlutavinnustarfsfólks.
6. Höfundarréttarsamningar á einstaka miðlum verði yfirfarnir og samræmdir í auknum mæli.
7. Sérsamningar verði gerðir við RÚV og Sýn vegna sérstaks eðlis starfa þar.
8. Upphæðir og ákvæði slysatrygginga verði endurskoðuð, sbr. nefnd sem ljúka átti störfum á gildistíma síðasta kjarasamnings.
9. Sérstakar álagsgreiðslur komi til vegna starfa á fleiri en einum fjölmiðli.
10. Vinnutími samkvæmt fastlaunasamningum verði gagnsær og skylt verði að setja inn í fastlaunasamninga ákvæði um hámarksvinnutíma.
11. Uppsagnarfrestur af hálfu atvinnurekanda verði lengdur og taki mið af starfstíma.
12. Skylt verði að rökstyðja uppsagnir skriflega.
13. Greiðslur vegna fjölmiðla og síma- og netnotkunar verði yfirfarnar með tilliti til breyttra aðstæðna.
14. Sett verði ákvæði í kjarasamninga um rétt til endurmenntunar í vinnutíma.
15. Júlí- og desemberuppbætur verði hækkaðar.
16. Heimilt verði að semja um hærri framlög starfsmanna með langan starfsaldur
17. Greiðslur hækki í styrktarsjóð
18. Settar verði reglur um tímabundnar ráðningar
19. Samningstími taki mið af innihaldi kjarasmanings.