Norræna blaðamannasambandið, NJF, sendi í dag frá sér yfirlýsingu þar sem þess var krafist að sænski ríkisborgarinn, blaðamaðurinn og forleggjarinn Gui Minhai verði látinn laus en hann er nú í haldi í Kína. Í yfirlýsingunni fordæmir NFJ fangelsun kínverskra stjórnvalda á Gui Minhai og broti á mannréttindum hans. Er hvatt til þess að stjórnvöld láti hann lausan þegar í stað og hleypi honum úr landi. Þá skorar NJF á ríkisstjórnir Norðurlandanna og Evrópusambandsins að beita sér fyrir því að Gui Minhai verði látinn laus.
Yfirlýsinguna í heild má lesa hér