Launatöflur

Flokkur 1

Almennir blaðamenn.

Flokkur 2

Blaðamenn með háskólapróf, BA, BS, eða starfsreynslu/sérmenntun, sem vinnuveitandi leggur að jöfnu. Sumarstarf er metið til starfsaldurs. Ef einstaklingur vinnur við blaðamennsku yfir sumartímann, t.d. á meðan hann er í námi og hefur síðan fullt starf á fjölmiðli, fær hann sumarmánuðina metna sem starfsaldur. Það á þó aðeins við, ef hann ræður sig til starfa á sama fjölmiðli allan tímann sem lausamaður og síðan sem fastráðinn. Greiðslur samkvæmt 7. kafla samnings BÍ hefjast við fastráðningu.

Flokkur 3

Blaðamenn með MA, MS, MBA eða starfsreynslu /sérmenntun sem vinnuveitandi leggur að jöfnu. 

Vaktaálag

Samkvæmt grein 2.3 í kjarasamningi BÍ og SA.

15% á grunnlaun. Greiða skal 15% vaktaálag sé unnið eftir vaktafyrirkomulagi skv. grein 2.2.1. Reglubundnar vaktir á virkum dögum en ekki um helgar.

21% á grunnlaun. Greiða skal 21% vaktaálag sé unnið eftir vaktafyrirkomulagi skv. grein 2.2.3. Reglubundnar vaktir um helgar.

Starfsmenn í hlutastarfi: Blaðamaður og/eða prófarkalesari í hlutastarfi fái greiddar hlutfallslega sömu álagsgreiðslur sbr. ákvæði greinar 2.3.1.

Greinar 2.2.1 og 2.2.3 sem vísað er til

2.2.1. Vaktavinna. Heimilt er að taka upp reglubundna vaktavinnu, samkvæmt samkomulagi aðila á hverjum vinnustað og skal gerður samningur þar að lútandi við hvern vinnuhóp svo sem ljósmyndara, íþróttafréttamenn og blaðamenn á innlendum og erlendum fréttadeildum.

2.2.3. Helgarvaktir. Heimilt er að semja um reglubundna vaktavinnu um helgar. Gilda um þær sömu reglur og vaktir virka daga hvað lengd varðar. Frídagur á virkum degi kemur í stað unnins helgardags. Frídagur skal tekinn í vikunni eftir helgarvinnu í samráði við vinnuveitanda.

Kjarasamningur BÍ og SA í heild →