Undirdeildir BÍ
Þrjár undirdeildir eru starfandi innan BÍ. Hver deild starfar að sérhæfðum hagsmunamálum félagsmanna sinna og eflir faglega umræðu á sínu sviði.
BLFÍ
FF
DMS
Blaðaljósmyndarafélag Íslands er félag innan Blaðamannafélags Íslands. Félagsmenn verða því að vera gildir meðlimir í Blaðamannafélaginu og hafa atvinnu af ljósmyndun fyrir fjölmiðla. Félagið var stofnað til að stuðla að heilbrigðu samstarfi innan stéttarinnar, til að bæta aðstöðu og aðgengi blaðaljósmyndara og berjast fyrir málum sem koma blaðaljósmyndurum við.
Félagið heldur sýninguna Myndir ársins árlega þar sem valdar eru bestu myndir félagsmanna liðins árs auk þess sem valdar eru Mynd ársins og Fréttamynd ársins.
Stjórn Blaðaljósmyndarafélags Íslands
Kjartan Þorbjörnsson (formaður)
Eyþór Árnason
Anton Brink
Ragnhildur Aðalsteinsdóttir
Lög Blaðaljósmyndarafélags Íslands – Lög og reglur BLFÍ
Myndir ársins – Árleg sýning blaðaljósmyndara
Blaðaljósmyndarafélag Íslands
Félag fréttamanna er félag þeirra sem starfa hjá Ríkisútvarpinu og eru félagar í Blaðamannafélagi Íslands. Félagið starfar sem félagsdeild innan Blaðamannafélags Íslands. Tilgangur félagsins er að efla og styðja hag félagsmanna með því að vinna að framgangi allra þeirra mála er verða mega til aukinna réttinda, menningar og bættra kjara félagsmanna.
Félag fréttamanna var stofnað sem deild innan BÍ við sameiningu Félags fréttamanna, sem var stéttarfélag fréttamanna á RÚV, og BÍ árið 2023. Stofnfundur var haldinn 23. mars 2023 þar sem lög deildarinnar voru samþykkt og stjórn kjörin.
Stjórn Félags fréttamanna á RÚV
Ásrún Brynja Ingvarsdóttir (formaður)
Sólveig Klara Ragnarsdóttir og Rúnar Snær Reynisson
Kristín Sigurðardóttir (varamaður)
Lög Félags fréttamanna – Samþykkt á stofnfundi 2023
Félag fréttamanna á RÚV
Deild miðlunar og samskipta (DMS) var stofnuð innan BÍ í maí 2025. Tilgangur deildarinnar er að vera faglegur vettvangur fólks sem starfar við miðlun, upplýsingagjöf og samskipti og efla þannig fræðslu, endurmenntun og faglega umræðu innan stéttarinnar. Lög deildarinnar voru samþykkt á stofnfundi og stjórn kjörin ásamt formanni. Deildin er opin öllum félögum BÍ sem starfa við samskipti og upplýsingamiðlun, eins og samskiptasérfræðingar, upplýsingafulltrúar, almannatenglar og sjálfstætt starfandi ráðgjafar.
BÍ telur yfir 600 félaga og nokkur hluti þeirra hefur snúið sér að störfum við samskipti, miðlun og almannatengsl. Stofnun DMS svarar þörf þessa hóps fyrir aukna þjónustu félagsins, svo sem sérsniðin námskeið, umræðukvöld og málþing.
Stjórn DMS
Aðalbjörn Sigurðsson (formaður)
Lára Ómarsdóttir og Jón Aðalsteinn Bergsveinsson
Karen Kjartansdóttir, Guðrún Óla Jónsdóttir og Ari Brynjólfsson (varamenn)
Lög DMS – Lög Deildar miðlunar og samskipta
Deild miðlunar og samskipta
Vertu með
Sæktu um aðild að félaginu og skráðu þig á póstlistann okkar