Hægt að kjósa í formannskjöri til miðnættis!

Hér með er það áréttað að enn er hægt að kjósa í formannskjöri BÍ, en kjörfundur stendur til miðnættis í kvöld. Nú um kaffileytið höfðu 263 félagsmenn kosið en á kjörskrá eru 553, þannig að kjörsóknin er orðin tæplega 48%. Niðurstöður kosninganna verða síðan kunngerðar um hádegisbil á morgun eftir að kjörnefnd hefur fundað með tæknimönnum og opnað fyrir úrslitin í kosningakerfinu.  Hægt að finna slóð á kosningakerfið til þess að kjósa í frétt hér fyrir ofan (við hlið myndarinnar).