Myndir ársins 2009 - 2016 komnar á vefinn

Ljósmyndabækurnar Myndir ársins, sem geyma myndir sem verið hafa á samnefndum sýningum Blaðaljósmyndarafélags Íslands, eru nú að hluta til komnar inn á vefinn. Bækurnar sem um ræðir eru nýjustu bækurnar, þ.e. frá 2016 og aftur til 2009, en vonir standa til að eldri bækur geti komið þarna inn síðar. Bækurnar má skoða með því að smella á kassann  hægra megin efst á forsíðu vefsins þar sem stendur: Myndir ársins, bækur.   Stóru myndirnar sem koma upp á forsíðu vefsins eru fengnar úr síðustu sýningu, en nú gefst fólki kostur á að fletta í eldri bókum líka.