Opið fyrir tilnefningar til Evrópuverðlauna

Fram til níunda desember næstkomandi geta blaðamenn frá öllum löndum Evrópu lagt sín bestu verk frá þessu ári fyrir dómnefnd Evrópsku blaðamennskuverðlaunanna ( European Press Prize) og keppt um verðlaun næsta árs, en auk heiðursins fylgja þeim 10.000 evra peningaverðlaun. 

Að þessu sinni verða veittar viðurkenningar í fimm flokkum blaðamennsku: 

Framúrskarandi frásögn  – fyrir blaðamennskulega frásögn í hæsta gæðaflokki  

Rannsóknarblaðamennska  – fyrir hugrakka umfjöllun sem leiðir í ljós staðreyndir sem annars hefðu legið í þagnargildi 

Nýsköpun  – fyrir blaðamennskuverkefni sem leitast við að nema nýjar lendur, á netinu eða utan þess 

Opinber umræða  – fyrir verk sem ganga lengra en að segja frá og greina fréttir og glæða opinbera umræðu um samfélagslega mikilvæg mál 

Fólksflutningafréttamennska  – fyrir frásagnir sem beina kastjósinu að félagslegu, efnahagslegu og menningarlegu framlagi innflytjenda til bæði landanna sem þeir flytja frá og til 

Allar nánari upplýsingar er að finna hér.