Slóvakía: Ungur rannsóknarblaðamaður og kona hans myrt

Alþjóða- og Evrópusambönd blaðamanna segja það hafa verið áfall að frétta af morði hins 27 ára gamla slóvakíska rannsóknarblaðamanns Jan Kuciak, sem vann fyrir fréttavefinn Aktuality.sk. Lík hans og konu hans, Martinu Kusnirovu, fannst á heimili þeirra skammt utan við  Bratislava í gær. Kuciak hafði verið að vinna að skrifum um spillingu og skattaundanskot hátt settra embættismanna og viðskiptajöfra. Lögregla sagði í morgun að morðið tengdist líklega störfum hans sem rannsóknarblaðamanns. Slóvakía er sem kunnugt er í ESB og hefur verið talið nokkuð öruggt land fyrir blaðamenn.

Sjá einnig hér