Rússnesk afskipti af kosningunum í Moldóvu

Rannsókn BBC Eye Investigations, sem unnin var með öðrum rannsóknarteymum BBC og samstarfsaðilum í Evrópu, sýndi að net tengt rússneskum hagsmunum reyndi að grafa undan stöðu stjórnarflokksins PAS, mið-hægri Evrópusinnaðs flokks, fyrir kosningarnar í lok september. Fólki var boðin greiðsla fyrir að taka þátt í að dreifa pólitísku efni og röngum upplýsingum á samfélagsmiðlum sem beindust gegn PAS.

Þátttakendunum var jafnframt falið að taka þátt í framkvæmd gervikönnunar í nafni stofnunar sem er ekki til, sem brýtur í bága við reglur um skoðanakannanir í Moldóvu. Niðurstöðurnar, sem voru ómarktækar og hannaðar til að villa um fyrir kjósendum, voru síðar birtar á netinu og voru þvert á opinberar kannanir og lokaniðurstöður kosninganna þar sem PAS var í forystu.

Sérfræðingar sem BBC ræddi við segja að málið sé skýrt dæmi um hvernig skipulögð íhlutun erlendra aðila og markviss upplýsingaóreiða geti grafið undan bæði lýðræðisferlum og starfsskilyrðum fjölmiðla í Evrópu.