Uppbyggingarsjóður EES leitar að deildarstjóra upplýsinga- og samskiptamála til að stýra deild sérfræðinga í samskiptamálum sem vinnur með samstarfaðilum í viðtökuríkjum sjóðsins, sem og innan EES-ríkjanna, að því að kynna þau tækifæri sem styrkveitingar sjóðsins fela í sér. Upplýsingafulltrúinn heyrir undir framkvæmdastjóra FMO og er hluti af stjórnendateymi skrifstofunnar.

Á grundvelli EES-samningsins er Ísland hluti af innri markaði Evrópu. Meginmarkmið Uppbyggingarsjóðsins er að draga úr félagslegum og efnahagslegum ójöfnuði í Evrópu og styrkja tvíhliða samstarf milli EES-ríkjanna (Íslands, Liechtenstein og Noregs) og viðtökuríkja sjóðsins innan Evrópusambandsins.