Tengslanetið: deild miðlunar og samskipta hjá BÍ

Tengslanetið er deild innan BÍ fyrir félagsmenn sem starfa við samskipti,
almannatengsl og miðlun. Markmið deildarinnar er að skapa vettvang fyrir faglega
umræðu og, eins og nafnið gefur til kynna, byggja upp öflugt tengslanet fyrir
félagsmenn.

Með stofnun deildarinnar skapast tækifæri til að:
- efla faglega umræðu og vinna að fræðslumálum sem tengjast greininni,
- móta faglegar siðareglur,
- skilgreina starfssvið og
- koma á formlegum umræðuvettvangi.

Sérstök áhersla verður lögð á að miðla upplýsingum um það sem efst er á baugi
innan fagsins. Innan deildarinnar verður þannig vakin athygli á námskeiðum,
ráðstefnum, bókum, skýrslum, hlaðvörpum og öðru efni sem gæti vakið áhuga
félagsmanna. Enn fremur mun stjórn deildarinnar standa reglulega fyrir viðburðum
fyrir félagsmenn.

Vakin er athygli á að allir sem starfa við miðlun og samskipti, hvort sem þeir eru
félagsmenn BÍ eða ekki, geta sótt um aðild að deildinni. Þeir sem standa utan
Blaðamannafélags þurfa fyrst að sækja um aðild að félaginu. Nánari upplýsingar um
félagsaðild má finna hér.

Stjórn Tenglanetsins:
Aðalbjörn Sigurðsson, formaður.
Ari Brynjólfsson
Guðrún Óla Jónsdóttir
Jón Aðalsteinn Bergsveinsson
Karen Kjartansdóttir
Lára Ómarsdóttir