Menningarsjóður

Menningarsjóður BÍ veitir styrki til félagsmanna vegna sérstakra verkefna tengdum blaðamennsku og í tengslum við þriggja mánaða leyfi blaðamanna.

Atvinnurekendur greiða 1,2% af launum félagsmanna í iðgjöld í sjóðinn ofan á launagreiðslur. Í sjóðinn renna einnig tekjur af höfundaréttargjöldum sem Blaðamannafélagið innheimtir fyrir blaðamannastéttina í heild sinni.

Einungis þau sem greitt hafa iðgjald í sjóðinn sl. sex mánuði eiga rétt á styrkjum úr honum (að undanskyldum 25.000 kr styrk til lausamanna árlega).

Umsókn Reglugerð Úthlutunarreglur

Menningarsjóðsstyrkur (vegna þriggja mánaða leyfis)

Fastráðnir félagar sem greiða iðgjöld í menningarsjóð eiga rétt á að sækja um styrk úr sjóðnum þegar þeir eiga rétt á 3ja mánaða leyfi, samkvæmt kjarasamningum BÍ. Sækja þarf formlega um og styrkinn og er umsóknareyðublað að finna hér. Styrkur árið 2024 er 425 þús. fyrir félagsmenn sem hafa styttri en 18 ára starfsaldur og 560 þús. fyrir eldri félaga.

Félagsmenn BÍ á RÚV sem taka laun skv. kjarasamningi FF eiga ekki rétt á styrkjum úr menningarsjóði BÍ
Félagsmenn í BÍ sem fá greitt skv. kjarasamningi FF greiða ekki iðgjöld í menningarsjóð og eiga því ekki rétt á styrkjum úr sjóðnum. Þeir eiga hins vegar rétt á sambærilegum styrk úr Fræðslusjóði RÚV. Samkvæmt reglum sjóðsins getur samþykktur styrkur numið allt að 400.000 kr. til símenntunar á 2ja ára fresti. Styrkurinn er veittur til greiðslu skólagjalda, námskeiðskostnaðar og ferðakostnaðar vegna símenntunar. Sjá nánar um styrk úr Fræðslusjóði RúV á innri vef RÚV: https://innri.ruv.is/efni/fyrir-starfsfolk/
Styrkir til lausamanna
Lausamenn geta sótt um styrk úr Menningarsjóði til endurmenntunar og geta fengið allt að helming af náms- eða námskostnaði, að hámarki 25 þús. kr. fyrir árið 2024.
Verkefnastyrkir

Félagsmenn geta sótt um styrki vegna sérstakra verkefna tengdum blaðamennsku. Verkefnastyrkir Menningarsjóðs BÍ eru veittir tvisvar á ári, í apríl og október og auglýsir skrifstofa BÍ eftir umsóknum. Stjórn Menningarsjóðs metur umsóknir og tekur ákvarðanir um úthlutun styrkja.

Styrkirnir eru veittir til blaðamennskustarfa en ekki til útgáfu á verkum, kynningar eða annars kostnaðar.

Umsókn skulu fylgja eftirfarandi upplýsingar og gögn eftir því sem við á: Kynning á blaðamanni og starfsferli, til hvaða starfa er sótt um styrk, afrit af samningi við útgefanda eða framleiðanda, upplýsingar um verkefni og sýnishorn úr handriti, hvort umsækjandi þiggi laun eða aðra styrki. Mikilvægt er að láta öll gögn sem stutt geta við umsókn, sbr. afrit af útgáfusamningi eða sýnishorn úr handriti, fylgja með umsókn. Stjórn sjóðsins er heimilt að leggja til sérstakt eyðublað sem skal nýtt vegna umsókna um styrki.

Þeir blaðamenn ganga fyrir um styrk sem ekki þiggja aðra starfsstyrki eða laun fyrir verkefni sitt. Við mat á umsóknum hefur stjórn Menningarsjóðs BÍ til viðmiðunar að umsækjandi hafi ekki fengið styrk frá menningarsjóði BÍ síðustu 24 mánuðina. Að öðru jöfnu skulu þeir ganga fyrir um styrki sem:

  • hafa ekki áður fengið verkefnastyrk frá Menningarsjóði BÍ,
  • hafa lítil eða engin tök á að sækja í aðra sjóði en Menningarsjóð BÍ.

Hámarksupphæð styrks á fjögurra ára tímabili er 500 þúsund krónur.