Sigríður Dögg ein í framboði til formanns

Sigríður Dögg Auðunsdóttir, sitjandi formaður BÍ

Aðeins ein tilkynning barst skrifstofu BÍ um framboð til formanns í aðdraganda aðalfundar félagsins. Um er að ræða tilkynningu frá sitjandi formanni, Sigríði Dögg Auðunsdóttur, og verður hún því ein í kjöri.

Samkvæmt lögum félagsins þarf tilkynning um framboð til formanns að berast skrifstofunni tveimur vikum fyrir boðaðan aðalfund. Formaður er kosinn til tveggja ára í senn og sama gildir um aðra stjórnarmenn.

Aðalfundur félagsins verður haldinn þriðjudagskvöldið 21. apríl kl. 20:00 í húsakynnum félagsins að Síðumúla 23. Öllum félögum BÍ er heimilt að bjóða sig fram til annarra embætta en formanns á sjálfum fundinum.

Dagskrá aðalfundar:

• Venjuleg aðalfundarstörf samkvæmt lögum félagsins
• Skýrslur frá starfsnefndum
• Kosningar
• Lagabreytingar
• Önnur mál

Frekari upplýsingar um aðalfundinn má finna hér.