Gervigreind og blaðamennska: er fréttastofan þín tilbúin?

Mynd: iStock

Gervigreind hefur algjörlega umbylt því hvernig blaðamenn vinna, allt frá þeim verkfærum sem blaðamenn nýta sér og yfir í að styðja við vinnuferla á fréttastofum og ákvarðanatöku. Eftir því sem gervigreindartækninni fleygir fram verður æ mikilvægara fyrir fréttamiðla að skilja hvernig hún virkar og hvernig megi nýta hana með árangursríkum hætti.

Þann 2. september kl. 16 að íslenskum tíma býður Knight Center for Journalism upp á ókeypis klukkustundarlangt fjarnámskeið þar sem farið verður yfir ýmislegt tengt gervigreind og blaðamennsku. Knight Center for Journalism in the Americas er leiðandi í heiminum í fjarnámskeiðum tengd blaðamennsku fyrir blaðamenn og er rekið sem sjálfstætt verkefni innan Texas-háskóla í Bandaríkjunum.

Á námskeiðinu er markmiðið að þátttakendur velti því fyrir sér með gagnrýnum hætti hvernig gervigreind passar inn í þeirra starfsumhverfi og hvernig fréttastofur geti nýtt sér hana, frekar en að skoða einstaka gervigreindarverkfæri. Reynt verður að draga upp stóru myndina í ljósi þess hvaða innviði þurfi til, hvaða þekking og færni, og hvernig fréttastofur nálgist þessa tækni og nýti sér hana á skýrari og markvissari hátt.

Námskeiðið er ætlað blaðmönnum, fréttastjórum, ritstjórum og öllum þeim sem hafa áhuga á blaðamennsku og vilja öðlast betri skilning á þeim gervigreindarkerfum sem eru að móta blaðamennsku samtímans.

Nánari upplýsingar hér.