Nýtt hlaðvarpsstúdíó fyrir félaga

Nýtt hljóðver.

Blaðamannafélagið hefur útbúið aðstöðu á skrifstofu félagsins fyrir félaga sem vilja taka upp hlaðvarp. Aðstaðan er í boði án endurgjalds fyrir alla félagsmenn á opnunartíma skrifstofunnar. Hægt er að bóka tíma með því að senda tölvupóst á press@press.is eða hringja í síma 553 9155.

Blaðamannafélagið mun einnig taka upp og miðla sínu eigin hlaðvarpi sem er ætlað að styðja við faglega starfsemi félagsins og upplýsa félaga og almenning um málefni tengd blaðamennsku á Íslandi. Í því getur falist umfjöllun um störf blaðamanna og starfsemi fjölmiðla í samtímanum og mikilvægi blaðamennsku fyrir lýðræðislega umræðu en einnig upprifjun á málum sem blaðamenn hafa unnið í gegnum tíðina, saga blaðamennsku á Íslandi og fleira.