Blaðamennska ekki debet og kredit

Haukur Holm

Í öðrum þætti Blaðvarpsins, hlaðvarps BÍ, er rætt við Hauk Holm blaðamann til 40 ára um ferilinn, breytingar á landslagi fréttamiðla, aðgengi blaðamanna að vettvangi og fleira. Meðal þess sem hann ræðir sérstaklega er sú ákvörðun Sýnar að hætta með sjónvarpsfréttir: „Mér finnst það algjörlega hrikalegt og ef þetta er sett upp í Excel eða eitthvað slíkt, þá er hægt að réttlæta þessa ákvörðun. En ritstjórn er ekki Excel-skjal. Fréttir og blaðamennska er ekki debet og kredit. Mér fannst það hrikalegar fréttir og þær komu mér á óvart,“ segir Haukur. „Þetta er vont fyrir fagið, þetta er vont auðvitað fyrir fólkið sem vinnur þarna, þetta er vont fyrir bara umræðuna. Þetta er bara alfarið vond hugmynd.“