Fréttir

Stjórn Blaðamannafélags Íslands hefur sent Katrínu Jakobsdóttur forsætisráðherra bréf þar sem skorað er á hana og ríkisstjórn hennar að beita sér fyrir því gagnvart bandarískum stjórnvöldum að málsóknin gegn ástralska blaðamanninum Julian Assange verði felld niður.

Skrifstofa Blaðamannafélags Íslands verður lokuð vegna sumarleyfa frá og með 5. júlí til og með 4. ágúst.

Siðanefnd BÍ hefur sent frá sér tvo úrskurði í kærumálum, annars vegar gegn Ingibjörgu Dögg Kjartansdóttur á Stundinni og hins vegar gegn Kristínu Örnu Jónsdóttur á Mannlífi.

Nýjustu uppljóstranir um þær aðferðir sem Samherji beitir í ófrægingarherferð sinni gegn fjölmiðlum og blaðamönnum höfðu eitt jákvætt í för með sér: Þær vöktu upp mikilvæga umræðu um hlutverk fjölmiðla í samfélaginu. Stjórnmálamenn sem hafa tjáð sig af þessu tilefni eru flestir á sama máli: Skæruhernaður stórfyrirtækis gegn fjölmiðlum er fordæmdur og það ber að standa vörð um blaðamennsku sem nauðsynlega forsendu lýðræðisins.

Aðeins rétt liðlega helmingur svarenda í nýlegri könnun rannsóknarhóps í verkefninu WJS (Worlds of Journalism Study) á meðal íslenskra blaða- og fréttamanna, eða 53%, segir að þeim hafi aldrei verið ógnað eða hótað í starfi sínu.

Blaðamannafélagið hefur sett á fót málefnahópa og þess að efla faglegt starf, jafnt inn á við í félaginu, sem og út á við. Óskum við hér með eftir áhugasömu fólki til að taka þátt í því starfi og hvetjum sem flesta til að leggja félaginu lið. Meðal þeirra málefnahópa sem stofnað hefur verið til er ritstjórn press.is, hópur sem vinna á að endurskoðun siðareglna, hópur um viðburði og kynningarmál og loks hópur sem fjallar um framtíð félagsins.

Blaðamannafélag Íslands hefur leitað eftir því, við góðar undirtektir, við fjölmiðlafyrirtæki að leitast við að skapa sameiginlegan vettvang til að styrkja fjölmiðlafrelsi á Íslandi.

Hér er hægt að horfa á beina útsendingu af Norrænu málþingi um fjölmiðlafrelsi á Íslandi

Blaðamannafélag Íslands og sendiráð Norðurlandanna á Íslandi standa fyrir málþingi um fjölmiðlafrelsi á Íslandi. Fjölmiðlafrelsi mælist minna hér en á hinum Norðurlöndunum. Málþinginu er ætlað að varpa ljósi á stöðu fjölmiðla hér á landi. Viðburðurinn fer fram á ensku.

Blaðamannafélag Íslands hefur sent inn umsögn um frumvarp tveggja þingmanna um breytingar á lögum um Ríkisútvarpið. Í frumvarpinu er lagt til að Ríkisútvarpið verði tekið af auglýsingamarkaði. Blaðamannafélagið fagnar því að löggjafinn sé loksins með til umfjöllunar frumvarp sem hefur það að markmiði að draga úr umsvifum Ríkisútvarpsins á auglýsingamarkaði og hefur það að leiðarljósi að styrkja rekstrargrundvöll einkarekinna fjölmiðla.