Stjórnvöld auglýsa styrki til landsbyggðarmiðla

Stjórnvöld hafa auglýst eftir umsóknum um styrki til staðbundinna fjölmiðla utan höfuðborgarsvæðisins. Umsóknarfrestur er til 1. október.

Í auglýsingu frá Menningar-, nýsköpunar- og háskólaráðuneytinu segir að markmið með styrkjunum sé að efla starfsemi landsbyggðarmiðla "enda gegni þeir mikilvægu hlutverki við að tryggja aðgengi almennings að upplýsingum um menningar- og samfélagsmál og styðji með þeim hætti við lýðræðisþátttöku og menningarstarf".

Til úthlutunar eru 15 milljónir króna. Nánari upplýsingar er að finna á vef ráðuneytisins.