Félagar heiðraðir með gullmerki BÍ 29. janúar

Frá veitingu gullmerkja 2022. Mynd: Hari

Blaðamannafélag Íslands býður til athafnar fimmtudaginn 29. janúar kl. 16:30 þar sem félagsmönnum sem hafa helgað lífsstarf sitt blaðamennsku og/eða hagsmunum stéttarinnar verður veitt gullmerki félagsins.

Athöfnin fer fram í sal BÍ að Síðumúla 23 og verða léttar veitingar í boði. Við hvetjum félagsfólk til að mæta og fagna með handhöfum.

Blaðamannafélag Íslands veitir þeim blaðamönnum sem helgað hafa lífsstarf sitt blaðamennsku eða hagsmunum blaðamannastéttarinnar gullmerki félagsins. Merkið hefur verið veitt nokkuð reglulega, að meðaltali á um fimm ára fresti, frá árinu 1982. Það var síðast veitt 2022 og þar áður árið 2017 en alls hafa 61 blaðamenn hlotið Gullmerki BÍ. Lista yfir gullmerkishafa má finna á press.is

Reglugerð Gullmerkis Blaðamannafélags Íslands er svohljóðandi:

1. Merkið heitir gullmerki Blaðamannafélags Íslands
2. Merkið geta þeir félagar í Blaðamannafélagi Íslands fengið sem helgað hafa lífsstarf sitt blaðamennsku og/eða hagsmunum blaðamannastéttarinnar og/eða starfað hafa sem blaðamenn í að minnsta kosti 40 ár.
3. Stjórn Blaðamannafélags Íslands ákveður á hverjum tíma hverjir uppfylla ofangreind skilyrði og fer yfir það fyrir aðalfund ár hvert.
4. Stjórn Blaðamannafélags Íslands skal halda lista um þá sem fengið hafa gullmerki BÍ.