Opnað fyrir skil á Myndum ársins 2025

Fréttamynd ársins 2024: Eggert Jóhannesson

Blaðaljósmyndarafélag Íslands hefur opnað fyrir skil á myndum í árlegu blaðaljósmyndasamkeppnina Myndir ársins. Öllum meðlimum BÍ og Blaðaljósmyndarafélagsins býðst að taka þátt en skilafrestur mynda er til miðnættis þriðjudaginn 27. janúar 2026.

Veitt verða verðlaun í eftirfarandi flokkum:
• Daglegt líf
• Fréttir
• Íþróttir
• Portrett
• Seríur
• Umhverfi

Sýning á Myndum ársins verður áfram í Ljósmyndasafni Reykjavíkur, en sýningaropnun verður haldin með pompi og prakt laugardaginn 11. apríl. Meira um það síðar.

Nánari upplýsingar um skilareglur og fyrirkomulag má finna á vef Blaðaljósmyndarafélagsins.

Keppnin / sýningin er eingöngu fyrir meðlimi Blaðamannafélags Íslands og Blaðaljósmyndaraféalgsins.

Athygli er vakin á að flokkum var breytt aðeins í fyrir nokkrum árum svo við hvetjum öll til að kynna sér þátttökureglur á vefnum www.myndirarsins.com