Styrkir til endurmenntunar hækka

Stjórn Háskóla- og endurmenntunarsjóðs hefur ákveðið að hækka styrki sjóðsins um 50 þúsund krónur. Með breytingunni hækkar hámarksstyrkur úr 300.000 krónum í 350.000 krónum, miðað við fullan rétt í sjóðnum á 24 mánaða tímabili.

Aðrir styrkir hækka sömuleiðis um 50.000 krónur og verða eftirfarandi:

• Námskeiðsgjöld: 250.000 kr.

• Nám á háskólastigi: 350.000 kr.

• Nám við Norrænu blaðamannamiðstöðina: 350.000 kr.

• Ráðstefnur og málþing: 250.000 kr.

• Ferðastyrkur: 150.000 kr.

Markmiðið með hækkuninni er að styðja enn betur við símenntun og faglega þróun félagsfólks BÍ á tímum þar sem kostnaður við nám og þátttöku í alþjóðlegu samstarfi hefur farið hækkandi.

Styður við fjölbreytta endurmenntun

Endurmenntunarsjóður Blaðamannafélags Íslands styrkir endurmenntun og fræðslu félagsfólks með margvíslegum hætti. Sjóðurinn veitir meðal annars styrki til náms á háskólastigi, námskeiða, ráðstefna, málþinga og fræðslu- og kynnisferða, bæði innanlands og erlendis.

Sjóðurinn heldur einnig sjálfur námskeið og fræðsluviðburði fyrir félagsfólk.

Endurmenntunarsjóður BÍ býður jafnframt upp á sérstakan jöfnunarstyrk fyrir félagsfólk af landsbyggðinni til að sækja einn viðburð eða námskeið á vegum BÍ á ári. Sá styrkur hefur ekki áhrif á önnur réttindi í sjóðnum.

Félagsfólk er hvatt til að kynna sér reglur sjóðsins og nýta sér aukinn stuðning til að efla þekkingu sína og styrkja sig í starfi.