Fréttir

Hjálmar Jónsson hefur látið af störfum sem framkvæmdastjóri Blaðamannafélags Íslands. Hann hefur starfað í rúm tuttugu ár hjá félaginu, sem framkvæmdastjóri frá árinu 2003, en einnig sem formaður á árunum 2010-2021.

Blaðamannafélag Íslands hefur kært til dómsmálaráðuneytisins fyrirmæli lögreglustjórans á Suðurnesjum um takmörkun á aðgengi fjölmiðla að hættusvæði á Reykjanesskaganum.

Erindi Blaðamannafélags Íslands til lögreglustjórans á Suðurnesjum, Almannavarna og Samgöngustofu vegna aðgangs blaðamanna í jarðhræringunum á Reykjanesskaga

Blaðamannafélag Íslands fordæmir dráp á blaðamönnum í átökum Ísraelsmanna og Hamas þar sem minnst 39 blaðamenn hafa látið lífið, langflestir í linnulausum loftárásum Ísraelshers á Gaza. Samkvæmt upplýsingum sem Committee to protect journalists, CPJ, hafa tekið saman hafa mun fleiri blaðamenn til viðbótar slasast og margra er saknað. Aldrei hafa svo margir blaðamenn látið lífið í átökum á jafn skömmum tíma.

Blaðamannafélag Íslands skorar á atvinnurekendur að sýna samstöðu í verki með því að skerða ekki laun þeirra kvenna og kvára sem taka munu þátt í kvennaverkfallinu þann 24. október og leggja þannig sitt af mörkum til baráttunnar fyrir jafnrétti.

Christian Christensen, prófessor í blaða- og fréttamennsku við Stokkhólmsháskóla, fjallar um kaup milljarðamæringsins Elons Musk á samskiptamiðlinum Twitter (nú „X“) og hvernig hann hefur „beitt eignarhaldi sínu til að hampa“ því sem Christian segir spillta og markaðsdrifna mynd af málfrelsi og tjáningarfrelsi.

Siðanefnd BÍ hefur vísað frá fyrsta máli þessa starfsárs

ATH breyttur tími - fundurinn verður föstudaginn 6. október kl. 8.30. Blaðamönnum er boðið á upplýsingafund um málefni Afríku sem sendinefnd á vegum Norrænu Afríkustofnunarinnar stendur fyrir, föstudaginn 6. október kl. 8:30 í húsnæði BÍ.

Stjórn Blaðamannafélags Íslands hefur ákveðið að tilnefna ekki fulltrúa í stjórn Fjölmiðlanefndar og segir valdheimildir og verkefni Fjölmiðlanefndar ekki samræmast þrígreiningu ríkisvaldsins.