Forsíða / Félagið & fagið / Útgefið efni / Fréttir

Fréttir

Fjölmiðlar og atvinna í brennidepli

Í nýjasta hefti Arbeidsliv i Norden er athyglinni beint að stöðunni á fjölmiðlamarkaði á Norðurlöndum. Í leiðara er talað um að tilefnið séu uppsagnir hjá fjölmörgum fjölmiðlahúsum, niðurskurður í rekstri og hagræðing. Hjá dagblöðum fækkar lesendum og ný tækni hefur mikil áhrif. Niðurstaðan eru blaðamenn án atvinnu og margir þaulreyndir blaðamenn fara á eftirlaun áður en þeir ná aldri til þess. Spurt er: Hvað áhrif hefur þetta? Sjá fjölmargar áhugaverðar greinar hér

30.11.2012

Tilkynning

Jólauppbót

Jólauppbót samkvæmt kjarasamningum Blaðamannafélagsins fyrir þá sem hafa verið í fullu starfi allt árið er 50.500 kr. og hlutfallslega miðað við starfshlutfall og starfstíma á árinu. Uppbótina ber að greiða út á tímabilinu 1.-15. desember.

29.11.2012

Vill öflugra sjálfseftirlit

Ákveðnari útfærslur á sjálfseftirliti (self-regulation) sem byggir á almennri löggjöf er það sem þarf til þess að halda upp siðferðilegum gildum í fjölmiðlum, er meðal niðurstaðna í hinni svokölluðu Leveson-skýrslu um siðferði í breskum fjölmiðlum sem birt var í dag. Sjá frétt Mbl hér Sjá frétt BBC

29.11.2012

Höfundur þessarar skopmyndar fékk sekt og fangelsisdóm í heimalandi sínu fyrir að gagnrýna misbeitin…

Vefsíða gegn ritskoðun

Samtökin Blaðamenn án landamæra hafa sett upp vefsíðu sem heitir WeFightCensorship (Við berjumst gegn ritskoðun) og þar verður birt efni sem hefur verið ritskoðað eða bannað eða hefur verið tilefni til refsiaðgerða gegn þeim sem bjó efnið til. Tilganurinn era ð gera ritskoðun tilgangslausa. Þetta er framtak sem á sér ekkert fordæmi og mun koma til viðbótar þeim aðgerðum sem Blaðamenn án landamæra beita í baráttu sinni fyrir tjáningarfrelsi og frjálsu upplýsingaflæði, s.s. fræðslu, hagsmunagæslu og aðstoð, segir í tilkynningu frá samtökunum. Efni frá blaðamönnum eða netverjum, sem hafa orðið fyrir ritskoðun mun koma til greina til birtingar á vefnum óháð því hvort um er að ræða texta, myndir, myndbönd eða hljóðupptökur. Efnið sem fer inn á síðuna er valið af sérstakri ritnefnd og samhliða því að efnið verður birt verður gerð grein fyrir aðstæðum og kirngumstæðum þess sem bjó til efnið. Einnig er hugsanlegt að efninu fylgi viðbótar upplýsingar eða skjöl sem varpa ljósi á það hvers vegan efnið var bannað og hjálpa almenningi til að skilja mikilvægi þess. Efni alls staðar að úr heiminum verður birt á frummálinu en einnig í þýðingu, (líka á kínversku, persnesku og víetnamísku) og er vefsíðan þannig úr garði gerð að auðvelt á að vera að fjölfalda hana og speglaðar síður verða búnar til þannig erfitt mun verða að blokkera hana eða útiloka. Þá munu fylgja tilmæli til netverja um heim allan að dreifa sem víðast því efni sem þar er að finna. Sjá nánar hér

28.11.2012

EFJ lýsir eftir félagslegri ábyrgð útgefenda í Þýskalandi

Evrópusamband blaðamanna, EFJ, hefur lýst yfir stuðningi við samtök þýskra blaðamanna í kalli þeirra eftir félagslega ábyrgri afstöðu útgefenda vegna niðurlagningar Financial Times í Þýskalandi og gjaldþrots Frankfurter Rundschau. Allt í allt hafa um 800 blaðamenn og fjölmiðlastarfsmenn misst vinnuna og fjölmargir lausamenn tapað verkefnum í Þýskalandi að undanförnu. Ví tökum við undir með aðildarfélögum okkar í Þýskalandi og skorum á viðkomandi fjölmiðlafyrirtæki að leitast við að bjóða þeim sem missa vinnu önnur störf við hæfi hjá öðrum fjölmiðlum þessara fyrirtækja, segir Arne König, formaður EFJ. Sem betur fer er fjölmiðlamarkaðurinn í Þýskalandi enn sterkur og fjölbreyttur, en það er hins vegar mikilvægt að allir þeir sem koma að og hafa hagsmuna að gæta í fjölmiðlum í Evrópu komi saman og ræði hvernig hægt sé að tryggja ábyrga og vandaða fjölmiðlun á öllum sviðum, segir hann enn fremur. Frankfurter Rundschau, sem verið hefur eitt af helstu dagblööðum í Þýskalandi fór fram á gjaldþrotaskipti um miðjan mánuðinn og þar tapast um 500 störf. Financial Times í Þýskalandi mun hætta að koma út þann 7. desember en þar starfa nú um 300 manns. Sjá einnig hér

27.11.2012

Tilkynning

Örkynningar um samfélagsmiðla

Örkynningar um samfélagsmiðla þriðjudaginn 27. nóvember kl. 16:30 -18:00Engjateig 9, kjallara (Verkfræðingahúsið) Stuttar og hnitmiðaðar örkynningar og spjall um samfélagsmiðla (e. Social Media) á vegum faghóps Ský um vefstjórnun. Hvernig ná fyrirtæki árangri með notkun samfélagsmiðla? Hver er tenging þeirra við hefðbundnar markaðsherferðir? Á fundinum munu sérfræðingar fjalla um áhrif og notkun samfélagsmiðla frá ólíkum sjónarhornum. Fyrirlestrar: Skapaðu samkeppnisforskot með sterkri heild samfélagsmiðla og vefsetraJón Heiðar Þorsteinsson, Advania Að fá fólk til að talaHugmyndir fyrir heimilið/ Good ideas for you Inga og Anna Lísa Þjónusta Vodafone í gegnum samfélagsmiðlaSigrún Ásta Einarsdóttir, sérfræðingur hjá Vodafone Félagar í Ský fá frítt inn en utanfélagsmenn greiða 1.000 kr. (posi á staðnum).

26.11.2012

EFJ mótmælir niðurskurði í Færeyjum

Hart er nú sótt að Kringvarp Føroya, færeyska ríkisútvarpinu, og hefur Evrópusamband blaðamanna (EFJ) séð sig knúið til að lýsa yfir áhyggjum sínum af þróun mála. EFJ hefur lýst yfir þungum áhyggjum yfir því hvernig staðið hefur verið að hagræðingaraðgerðum og skorar á stjórnendur að hafa meira samstarf við starfsmenn. 19. nóvember síðastliðinn var starfsmönnum Kringvarp Føroya greint frá því að umtalsverðar breytingar stæðu fyrir dyrum á starfseminni og það án þess að nokkur undirbúningur eða viðræður ættu sér stað. ,,Ekki aðeins er ætlunin að fækka um þriðjung starfsmanna, frá 84 starfsmönnum í 60, heldur komu þessar fyrirætlanir eins og þruma úr heiðskýru lofti, bæði fyrir starfsmenn og samtök þeirra," sagði Jógvan H. Gardar, formaður Blaðamannafélags Færeyja. Bæði félagið og starfsmenn hafa óskað eftir nánari upplýsingum um stöðu mála. Þeim hefur hins vegar verið tjáð að ekki sé hægt að verða við því að svo stöddu. Um leið og ákvörðunin lá fyrir var hætt við nokkra þætti, þar á meðal þá sem byggðust á vinnu sjálfstætt starfandi blaðamanna. ,,Við erum undrandi og áhyggjufullir. Ekki aðeins vegna umfangs endurskipulagningarinnar heldur ekki síður vegna framkomu stjórnenda," sagði Arne König formaður EFJ en hér er stuðst við tilkynningu sem EFJ sendi út vegna málsins. ,,Við skorum á stjórnendur að hefja viðræður við stéttarfélag blaðamanna svo skjótt sem unnt er." Það sem er að gerast í Færeyjum er því miður dæmigert fyrir þróun mála undanfarin ár. Verulegur samdráttur hefur verið á starfsemi almenningsútvarps víða í Evrópu, reglulegur niðurskurður blasir allstaðar við. Hjá Kringvarp Føroya hefur þannig fækkað úr 110 starfsmönnum árið 2007 niður í 84 núna. Og áfram verður fækkað en tekjusamdráttur hefur verið undanfarin ár hjá Kringvarp Føroya. Útvarp Føroya hóf að senda út 6. febrúar 1957. EFJ hefur innan sinna vébanda um 310.000 blaðamenn í yfir 30 löndum.

26.11.2012

Mótmæla niðurskurði og framkomu hjá Kringvarp Föroya

Evrópusamband blaðamanna sendi nú fyrir helgina frá sér yfirlýsingu þar sem undrun er lýst á endurskipulagningu Ríkisútvarpsins í Færeyjum og þess krafist að þegar yrðu teknar upp raunverulegar samræður og samráð við starfsfólk. Á mánudaginn fyrir viku var starfsmönnum ríkisútvrpsins í Færeyjum, Kringvarp Föroya, tilkynnt að meiri háttar breytingar á starfseminni stæðu fyrir dyrum og að hrinda ætti þessum breytingum í framkvæmd án þess að fram færi neitt samráð við starfsmenn. Ekki nóg með það að skera á niður í starfsmannahaldi um næstum þriðjung, úr 84 niður í um það bil 60, heldur kom þessi tilkynning sem þruma úr heiðskíru lofti og án þess að nokkur samræða hafi farið fram milli stéttafélaga og stjórnar stofnunarinnar, segir Jógvan H. Gardar, varaformaður Blaðamannafélagsins. Bæði starfsmenn sjálfir og stéttafélög þeirra höfðu áður óskað eftir því að fá upplýsingar um hver staðan væri hjá stofnuninni, en fengu þau svör að slíkt yrði að bíða þar til stjórnendur væru tilbúnir að ræða það. Strax og tilkynningin var komin var skrúfað fyrir ýmsa starfsemi, m.a. öll kaup á þjónustu frá lausafólki. Við eru bæði hissa og áhyggjufull, ekki bara vegna þess hversu umfangsmiklar aðgerðirnar eru, heldur líka vegna framkomu stjórnarinnar, segir Arne König forseti EFJ. Því skorum við á stjórnina að hefja nú þegar viðræður við starfsfólkið og stéttarfélög, segir hann ennfremur. Ástandið hjá Kringvarp Föroya er því miður svipað því sem þekkist hjá ýmsum sambærilegum stofnunum í Evrópu; stöðugur niðurskurður (frá 110 starfsmönnum 2007 niður í 84 í dag) og síminnkandi tekjur sem koma fyrst og fremst frá afnotagjöldum. Við vonum að umræðan um þennan niðurskurð og fækkun starfsfólks muni verða til þess að auka skilning og meðvitund um mikilvægi þess að hafa lífvænlegt almenningsútvarp á eyjunum, segir König.

26.11.2012

Eins konar "IBAN" kerfi fyrir fjölmiðlaefni

Athyglisvert fjölmiðlaverkefni sem miðar að því að gera ritstjórnarefni og annars konar höfundaréttarvarið efni sem aðgengilegast hinum ýmsu fjölmiðlagáttum á löglegan hátt með því að búa til alþjóðlegt rafrænt miðlunarkerfi er í vinnslu. Stefnt er að því að taka kerfið í gang í byrjun næsta árs. Kerfið á að virka fyrir allar tegundir fjölmiðlaefnis, greinar, hljóðupptökur, tónlist, myndir og myndbönd og hefur fengið nafnið Linked Content Coalition (LCC), sem gæti útlagst sem Samtengda efnis samsteypan eða eitthvað slíkt. Hugmyndin er að ná fram svipuðu kerfi og banka- og fjármálakerfið hefur í hinu svokallaða IBAN. Með því geta bankar átt samskipti og viðskipti um allan heim þrátt fyrir að hver banki og hvert land um sig hafi sitt eigið sjálfstæða samskiptakerfi. Sérhver geiri í efnisframleiðslu hefur sitt eigið kerfi til að halda utan um höfundarrétt og birtingar en með þessu LCC kerfi er vonast til að unnt verði að búa til regnhlíf sem ná muni til allra. Þetta kerfi þykir lofa góðu um að hægt verði að koma meiri reglu og festu á þessa hluti en verið hefur og verkefnið m.a. stutt af Framkvæmdastjórn ESB og ýmis Evrópuríki eru áhugasöm um það. Sjá nánar hér

22.11.2012

Baráttudagur gegn friðhelgi kúgara

Alþjóðasamband blaðamanna hefur skipulagt dag gegn friðhelgi (Day against Impunity) þeirra sem gera blaðamenn að skotmörkum. Dagur gegn friðhelgi verður haldinn á föstudag, þann 23. nóvember. Þetta er í annað sinn sem þessi baráttudagur er skipulagður, en dagsetningin er valin til að minnast Maguindano fjöldamorðanna á Filipseyjum þennan dag 2009, þegar 32 blaðamenn og almennir borgarar voru myrtir án þess að ódæðismönnunum væri í raun refsað fyrir það. Á sérstakri heimasíðu bráttudagsins er að finna miklar upplýsingar um bæði fórnarlömb og eðli þeirrar friðhelgi sem fjölmargir sem ofsækja blaðamenn njóta, hvort sem það eru stjórnvöld í viðkomandi landi sem standa fyrir ofsóknunum eða einhverjir sem starfa í skjóli stjórnvalda. Heimasíðan er öll hin athyglisverðasta og þar er einnig hægt að spila hlutverkaleiki sem hjálpa spilurum að setja sig í spor þeirra sem búa við kúgun af þessu tagi. Sjá einnig hér

21.11.2012

144 145 146 147 148 149 150 151 152 153