Fréttir

Frumvarp að nýrri meiðyrðalöggjöf sem kynnt var í efri deild ítalska þingsins í síðustu viku hefur kallað á hörð viðbrögð frá ítlaska blaðamannafélaginu Federazione della Stampa Italiana (FNSI). Samkvæmt frumvarpinu sem ræða á í þinginnu í þessari viku verður fangelsisrefsingu hætt sem refsingu í meiðyrðamálum, en hins vegar eiga í staðinn að koma mjög þungar sektir og réttur þeirra sem telja sig hafa beðið skaða á æru sinni aukinn til muna, m.a. með því að þei fái sjónarmið sín birt mjög fljótt í miðli hins kærða,  án endurgjalds og án þess að viðkomandi miðill geti nokkuð ritstýrt því sem þar kemur fram. „Það er vissulega ekki gott að hafa slæm lög þar sem blaðamenn geta lent í fangelsi vegna ærumeiðinga,“ segir Arne König formaður EFJ.  „En það er ekki heldur ásættanlegt að fá í staðinn nýja löggjöf sem ógnar miðlunum, einkum þeim smærri og gæti þvingað blaðamenn út í umfangsmikla sjálfsritskoðun. Þetta er sérstaklega viðkvæmt á krepputímum þegar hætta stafar að bæð fjölmiðlum og lýðræðinu,“ segir hann enn fremur. Upphæðirnar sem verið er að tala um í nýja frumvapinu að blaðamenn sem dæmdir eru fyrir ærumeiðingar þyrftu að borga geta verið á bilinu 5.000 til 100.000 evrur eða frá rúmum 800 þúsund krónum og upp í 16,2 milljónir króna. Sjá einnig hér

Evrópusamband blaðamanna (EFJ) hefur krafist þess að grísk stjórnvöld felli niður ákæru á hendur blaðamanninum Kostas Vaxevanis, sem eigi ekki að þurfa að sæta ákæru fyrir að vinna vinnuna sína. Eftir að dómstóll í Aþenu hafði fjallað um málið var Kostas Vaxevanis handtekinn og tekinn til yfirheyrslu vegna þess aðhann hafí birt í tímaritinu HOTDOC lista yfir 2059 auðmenn sem geyma fé á bankareikningum í Sviss, en sem kunnugt er hefur efnahagsástandið í landinu verið mjög erfitt og mikil umræða um hvernig skipta beri þeim byrðum sem Grikkir þurfa að axla. Listinn sem hér um ræðir er kenndur við  fyrrum fjármálaráðherra Frakka, frú  Lagarde, og birtist fyrst 2010 þar í landi. Eftir yfirheyrslurnar var Vaxevanis sleppt en hann var ákærður og á að mæta fyrir rétti nú á fimmtudag til að svara til saka fyrir að hafa rofið friðhelgi einkalífs einstaklinganna á listanum.   „Við erum á þeirri skoðun aðbirting lista af þessu tagi sem þegar hefur verið birtur opinberlega árið 2010 sé eingöngu spurning um að veita almenningi aðgang að upplýsingum. Vaxevanis var því eingöngu að vinna vinnuna sína sem blaðamaður í almannaþágu, ekki bara með því að birta listann sem slíkan hledur líka með því því að benda  á að yfirvöld hafa ekki brugðist við þessum upplýsingum um hugsanlega stórfellan skattaundandrátt,“ segir Dimitris Trimis, formaður  gríska Blaðamannafélagsins, JUADN, sem er aðili að EFJ. Sjá einnig hér  

“Konur í stjórnmálum – brýnt erindi eða ljótur jakki?” er yfirskrift erindis sem Guðbjörg Hildur Kolbeins mun flytja á fundi hjá Femínistafélagi Íslands nú á fimmtudaginn,1. nóvember. Erindið fjallar um umfjöllun fjölmiðla um konur í kosningabaráttu og hlutfall kynjanna í kosningaumfjöllun fjölmiðla. Hin óvenjulega yfirskrift er sótt í umræðu sem orðið hefur um grænan jakka sem Angela Merkel klæddist í sumar og vakti mikla athygli. Fundurinn verður haldinn á veitingastaðnum Horninu í Hafnarstræti 5 og hefst kl. 20:00 Sjá einnig hér

„Breyttust fjölmiðlar eftir hrun?“ Þetta er spurning sem þær Valgerður Anna Jóhannsdóttir umsjónarmaður meistaranáms í Blaða- og fréttamennsku við HÍ og María Elísabet Pallé svöruðu í erindi á Þjóðarspegli fyrir helgi. Erindið byggði á meirstararitgerð Maríu. Í stuttu máli er svar þeirra já, fjölmiðlar breyttust eftir hrun hvað varðar umfjöllun þeirra um bankana. Rannsóknin byggði á því að bera saman umfjöllun árið 2011 við það sem var á árunum 2006-2008 en í fylgiriti með Rannsóknarskýrslu Alþingisvar gerð grein fyrir rannsókn á umfjöllun fjölmiðla um fjármálastofnanir fyrir hrun. Niðurstöður rannsóknarinnar benda til þess að ritstjórnir prentmiðla hafi gefið þessum fréttaflokki meira vægi á árinu 2011 heldur en á árunum 2006-2008 þar sem þess konar fréttir birtast hlutfallslega oftar á forsíðum og eru burðarfréttir á innsíðum. Sjálfstæð efnisöflun og greinandi umfjöllun hefur einnig aukist hlutfallslega milli tímabilanna sem borin voru saman. Niðurstöðurnar benda til þess að vinnubrögð prentmiðla hafi tekið jákvæðum breytingum eftir hrun íslenska fjármálakerfisins árið 2008. Sjá einnig hér

Eiríkur Jónsson, formaður Fjölmiðlanefndar segir að nýlegur sýknudómur Hæstaréttar í máli gegn blaðamanni DV, sé til marks um að dómur Mannréttindadómstóls Evrópu yfir íslenska ríkinu í sumar sé farinn að hafa áhrif og búast megi við að tjáningarfrelsi aukist í kjölfarið. Eiríkur var annar tveggja framsögumanna á síðdegisfyrirlestri LOGOS á dögunum þar sem fjallað var um áhrif dóma Mannréttindadómstóls Evrópu í málum íslenskra blaðakvenna gegn ríkinu.  Eiríkur segir að dómar Mannréttindadómstólsins og nú fjölmiðlalög styrki stöðu íslenskra blaðamanna. Sjá frétt RÚV um málið hér

Á Þjóðarspegli, ráðstefnu um rannsóknir í félagsvísidnum, sem haldin er í HÍ í dag kynnir Guðbjörg Hildur Kolbeins forniðurtöður úr rannsókn sem gerð var meðal íslenskra blaðamanna í vor. Rannsóknin kannaði meðal annars  ýmiselgt varðandi   siðferði og  starfsumhverfi íslenskra blaða- og fréttamanna  og er þetta hluti af  84 landa samanburðarrannsókn.  Niðurstöður sýna að íslenskir blaða- og fréttamenn telja mikilvægt fyrir starf sitt að vera óhlutdrægir áhorfendur sem skýri og greini frá atburðum líðandi stundar, segi frá hlutunum eins og þeir eru og sem leyfi fólki að koma skoðunum sínum á framfæri.  Í útdrætti af erindi sínu segir Guðbjörg Hildur það vekja athygli að tæplega átta af hverjum tíu þátttakendum sögðu að sjálfsritskoðun hefði nokkur, töluverð eða mjög mikil áhrif á starf sitt. Enn fremur telja þeir að aðgangur að upplýsingum, aðgangur að auðlindum til fréttaöflunar (mannafla, fjármagni og tíma) og tímamörk hafi mestu áhrifin á störf sín en að áhrif skipulagsheildarinnar (eigenda og stjórnenda) séu lítil. Forniðurstöður rannsóknarinnar eru byggðar á svörum 179 blaða- og fréttamanna en í þýðinu voru 350 manns. Spurningalisti var lagður fyrir þátttakendur, á pappír eða með netkönnun, vorið 2012. Málstofan umþróun fjölmiðla hefst kl 15:00 í Aðalbyggingu 225

Pistlahöfundurinn Reeyot Alemu, sem var fangelsuð á grundvelli umdeildra hryðjuverkalaga í Eþíópíu, rannsóknarblaðakonan  Khadija Ismayilova  sem starfar í útvarpi í Aserbaijan og hefur mátt búa við stöðugar hlernir og njósir m.a. á heimili sínu, og palestínski bloggarinn og sjálfstætt starfandi blaðakonan , Asmaa al-Ghoul,  sem hefur verið  barin og pínd fyrir að flytja fréttir af mótmælum á Gaza, fá allar viðukenninguna „Hugrekki í blaðamennsku“ sem  samtök kvenna í fjölmiðlum, Women's Media Foundation, veita.   Við verðlaunaafhendinguna í  New York í fyrradag var hinni sjötugu pakistönsku blaðakonu Zubeida Mustafa einnig veitt viðurkenning fyrir ævistarf sitt. Hún var fyrsta konan sem starfaði í hefðbundnum fjölmiðlum í Pakistan og hún vann alla tíð ötullega að því að greiða fyrir og breyta ráðningarmálum á fjölmiðlum í því skyni að fjölga konum. Sjá meira hér og einnig hér

Framkvæmdastjórn Evrópusambands blaðamanna hefur ákveðið að hið árlega átak  „Til varnar blaðamennsku“, sem jafnan fer fram þann 5. nóvember, verði helgað áframhaldandi báráttu fyrir því að frelsa tyrkneska blaðamenn úr fangelsi.  Framkvæmdastjórnin segir að þrátt fyrir að ástandið í Tyrklandi sé hugsanlega að versna og þrýstingur á blaðamenn og aðra gæslumenn mannréttinda sé að aukast, þá hafi komið fram ákveðin merki um að átak EFJ og aðildarsamtaka þess um að „ættleiða“ tyrkneskan blaðamann hafi borið árangur. Margir hinna „ættleiddu“ blaðamanna hafa verið látnir lausir þó svo að enn eigi raunar eftir að rétta í máli margra þeirra. Þessar fréttir hafa ýtt undir frekari  aðgerðir af hálfu EFJ í Tyrklandi. Líkt og fyrir tveimur árum hefur EFJ nú hvatt aðildarfélög sín og félaga þeirra til að senda bréf til tyrkneskra sendiráða vítt um Evrópu og beina þannig athyglinni að þessu vandamáli og er hægt að nálgast form fyrir bréfið á heimasíðu EFJ hér.  Síðan mun EFJ, daginn eftir baráttudaginn sjálfan (sem er 5. nómvember) –  eða þann 6. nóvember, standa fyrir aðgerðum utan við Evrópuþingið. Þetta mun gerast að afloknu málþingi sem Evrópuþingið er mun standa fyrir um fjölmiðlafrelsi, þar sem Arne König forsti EFJ verður meðal ræðumanna. Þá hyggjast félagar úr EFJ og aðildarfélögum þess standa fyrir utan þingið og dreifa plaggi sem þeir kalla „Arrested Gasette“ sem þýða mætti sem hin „Handteknu tíðindi“. Í því dreifibréfi verða birtir útdrættir úr ýmsum skrifum þeirra blaðamanna sem nú sitja í fangelsi í Tyrklandi. Hér má sjá á ensku hin „Handteknu tíðindi“