Fréttir

Aðgerðahópur BÍ um upplýsingaheilindi hefur verið stofnaður. Samstarf og samvinna eru lykilþættir í baráttu fyrir upplýsingaheilindum, sem eru grundvöllur heilbrigðra lýðræðissamfélaga.

Koma ætti á fót samkeppnissjóði fyrir samfélagslega mikilvæga blaðamennsku, skattleggja tæknirisa og skilgreina styrki til fjölmiðla sem varnarframlög Íslands til NATO. Þetta er á meðal þeirra lausna sem þátttakendur á Lausnamóti um framtíð fjölmiðla og blaðamennsku sem haldið var á vegum Blaðamannafélags Íslands 12. mars 2025 lögðu til.

Fyrsta aðgerðaáætlun stjórnvalda í málefnum fjölmiðla er mikilvæg viðurkenning á hlutverki fjölmiðla í lýðræðissamfélagi. Margar af aðgerðunum samræmast þeim kröfum og lausnum sem Blaðamannafélag Íslands hefur lagt til.

Ein stærsta ógn við lýðræðið á okkar tímum er kerfisbundin misbeiting hagsmunaafla á upplýsingum. Blaðamenn eru ekki áhorfendur, heldur virkir þátttakendur í vörnum lýðræðisins.

Fjölmiðlar skilgreindir sem grunnstoð og aukið fjármagn til stuðnings einkareknum fjölmiðlum í fjölþættum aðgerðapakka.

Norræna blaðamannasambandið (NJF), samstarfsvettvangur samtaka blaðamanna á Norðurlöndunum, sendi í morgun bréf á alla utanríkisráðherra Norðurlandanna vegna takmarkana Ísraels á fjölmiðlafrelsi og banns við aðgengi blaðamanna að Gaza-ströndinni.

Blaðamannafélag Íslands lýsir yfir þungum áhyggjum af því að stjórn Sýnar hafi fundið sig tilneydda til að skera niður í rekstri fréttastofu og hætta útsendingum sjónvarpsfrétta um helgar og á hátíðardögum.

Yfirlýsing barna- og menntamálaráðherra þar sem hann sakar Morgunblaðið um ófagleg vinnubrögð er alvarleg aðför að fjölmiðlafrelsi á Íslandi. Þetta segir formaður Blaðamannafélags Íslands sem segir hana bera með sér mikla vanþekkingu og afhjúpa hættuleg viðhorf.

Stofnaður hefur verið aðgerðahópur BÍ um upplýsingaheilindi sem í eru fulltrúar stærstu fréttastofa landsins ásamt formanni og framkvæmdastjóra BÍ. Hópurinn mun m.a. meta getu íslenskra fréttamiðla til að berjast gegn upplýsingaógnum og móta aðgerðir til að efla viðnámsþol íslenskra fjölmiðla, blaðamanna og þar af leiðandi samfélagsins alls, gegn misbeitingu upplýsinga.

Lokað verður á skrifstofu Blaðamannafélags Íslands á föstudag, 24. október, vegna kvennaverkfalls.