Fréttir

Könnun sem gerð var með stuðningi Evrópuráðsins og náði til 940 blaðamanna í aðildarríkjunum 47 auk Hvíta-Rússlands sýnir að blaðamenn í Evrópu verða iðulega fyrir alvarlegum og tilefnislausum aðdróttunum eða truflunum við störf sín – sem birtist meðal annars í formi ofbeldis, ótta eða sjálfs-ritskoðunar. Um þriðjungur svarenda (31%) sagðist hafa orðið fyrir líkamlegri árás á síðast liðnum þremur árum. Algengasta “truflunin” eða inngripið sem blaðamenn nefndu eða um 69% þeirra, var sálrænt ofbeldi svo sem niðurlæging, ógnanir hótanir, slúður og ófrægingarherferðir.  Næst algengast (53%) var að blaðamennirnir nefndu einhvers konar net-einelti, einkum í formi ásakana um að vera hlutdrægur, eða persónulegra árása eða þá að rógur eða ófræging af einhverju tagi.  Í þriðja sæti var ógnun frá hagsmunagæsluhópum hvers konar (50%) og í fjórða sæti ógnanir frá pólitískum hópum(43%). Það má lesa meira um þessa könnun hér  

Nýr Blaðamaður er á leiðinni í pósti til félagsmanna BÍ. Þar er m.a. fjallað um framtíð fjölmiðla og þær hugmyndir sem uppi eru um hvernig og hvort stjórnvöld eigi að koma að því að tryggja faglega fjölmiðlun. Skoðuð er staðan á Íslandi og farið yfir nýlega fjölmiðlaskýrslu sem kom út í Noregi þar sem finna má umfangsmiklar tillögur hvað þetta varðar. Blaðamanninn má einnig nálgast rafrænt hér á heimasíðunni

Pulizerverðlaunin voru tilkynnt í BNA í dag en þau eru veitt í 21 flokki, 7 flokkum fyrir bókmenntir/tónlist/leiklist og 14 flokkum fyrir blaðamennsku. New York Daily News og ProPublica fengu verðlaun I flokknum umfjöllun í almannaþágu fyrir umfjöllum um misnotkun á útburðarreglum þar sem hundurð manna, mest fátækt fólk og fólk sem tilheyrir minnihlutahópum er borið út. Í þessum flokki er "Gullmedalían" veitt, sem er til að undirstrika mikilvægi hans. Í flokknum um fréttaskýringar (Explanatory Reporting) fengu Alþjóðasamt0k rannsóknarblaðamanna (International Consortium of Investigative Journalists, ICIJ), McClatchy og Miami Herald verðlaun fyrir umfjöllun um Panamaskjölin. Fyrir fréttaumfjöllun (breaking news) fékk ritstjorn East Bay Times, í Okland verðlaun fyrir  ítarlega umfjöllun um “Drauagaskips eldsvoðann” þar sem 36 manns létust  og fyrir eftirfylgni með því máli sem sýndi hvernig borgaryfirvöld höfðu trassað að grípa til forvarnaraðgerða sem komið hefðu í veg fyrir þennan harmleik. Fyrir rannsóknarblaðamennsku fékk Eric Eyre blaðamaður hjá Charleston Gasatte-Mail verðlaunin fyrir hugrakka umfjöllun um ótrúlegr flæði opiod-lyfja ( tegund verkjalyfja) í Vestur Virginíu þar sem efnhags- og félagslegt ástand er slakt og þar sem hlutfall ofnotkunar er hæst í Bandaríkjunum. Fleiri verðlaunaflokka má sjá hér.  

Hjálmar Jónsson var endurkjörinn formaður Blaðamannafélags Íslands á Aðalfundi félagsins í gærkvöldi. Stjórn félagsins er jafnframt óbreytt eftir fundinn. Fram kom á fundinum að afkoma félagsins á síðasta ári var góð og fjárhagsstaða félagsins er sterk.  Staða fjölmiðla og þar með blaðamennsku er ínokkrum mótvindi um þessar mundir og ítrekar Hjálmar mikilvægi blaðamanna sem fagstéttar og faglegra vinnubragða í fjölmiðlum sem hafi aukist á tímum með tilkomu mikils fjölda óritstýrðra upplýsingagátta og falsfrétta. Hér á eftir fer listi yfir fólk í helstu trúnaðarstörfum fyrir BÍ eftir kosningar á fundinum í gær: Aðalstjórn:Hjálmar Jónsson, form. Óli Kristján Ármannsson, KOM, varaform. Sólrún Lilja Ragnarsdóttir, Fréttatíminn, ritari Höskuldur Kári Schram, Stöð 2, gjaldkeri Helga Arnardóttir, RÚV Ingveldur Geirsdóttir, Morgunblaðið Ragnhildur Aðalsteinsdóttir, BirtingurVaramenn: Trausti Hafliðason, Viðskiptablaðið Björn Jóhann Björnsson, Morgunblaðið Jóhann Hlíðar Harðarson, RÚV Samningaráð:Hjálmar Jónsson, formaður BÍ Óli Kristján Ármannsson, varaformaður BÍ Guðni Einarsson, Mbl. Höskuldur Schram, Stöð 2 Jón Hákon Halldórsson, Vísi Kolbeinn Þorsteinsson, DV Kristín Dröfn Einarsdóttir, BirtingiVaramenn: Lillý Valgerður Pétursdóttir, Stöð 2 Guðjón Guðmundsson, Viðskiptablaðið Guðmundur Bergkvist, RÚV Siðanefnd:Björn Vignir Sigurpálsson, formaður Hjörtur Gíslason, varaformaður Friðrik Þór Guðmundsson Ásgeir Þ. Árnason Róbert HaraldsonVaramenn: Jóhannes Tómasson Valgerður Jóhannsdóttir Sigríður Árnadóttir Dómnefnd Blaðamannaverðlauna: Björn Vignir Sigurpálsson, formaður Arndís Þorgeirsdóttir Gunnhildur Arna Gunnarsdóttir Kári Jónasson Svanborg Sigmarsdóttir Menningar- og orlofshúsasjóður:Fríða Björnsdóttir, formaður Lúðvík Geirsson Hilmar KarlssonVaramaður: Guðmundur Sv. Hermannsson Stjórn Styrktarsjóðs:Arndís Þorgeirsdóttir, formaður Guðni Einarsson, Morgunblaðið Lillý Valgerður Pétursdóttir, Stöð 2Varamenn: Baldur Guðmundsson, DV Hjálmar Jónsson, BÍ Ragnhildur Aðalsteinsdóttir, Birtingur Skoðunarmenn reikninga:Sigtryggur Sigtryggsson, Morgunblaðið Sigurður Hreiðar HreiðarssonVaramaður: Guðmundur Sv. Hermannsson, Morgunblaðið Kjörnefnd:Arndís Þorgeirsdóttir, formaður Guðmundur Ólafur Ingvarsson Kristján Hjálmarsson Trúnaðarmenn á helstu vinnustöðumMorgunblaðið: Guðni Einarsson, Kristín Heiða KristinsdóttirDV: Kolbeinn ÞorsteinssonStöð 2/Bylgjan:  Höskuldur Kári SchramBirtingur: Kristín Dröfn EinarsdóttirFréttablaðið: Snærós SindradóttirViðskiptablaðið: Guðjón Guðmundsson  

Rétt er að minna félaga í BÍ á að aðalfundur félagsins  verður í kvöld, haldinn fimmtudaginn 6. apríl, að Síðumúla 23. Hefst fundurinn stundvíslega kl. 20.00  Dagskrá: Venjuleg aðalfundarstörfSkýrslur frá starfsnefndum Kosningar*LagabreytingarÖnnur mál

Blaðamannafélag Íslands og Miðstöð um rannsóknarblaðamennsku standa fyrir sýningu á heimildarmyndinni The Opposition. Í maí 2012 ruddust eitt hundrað lögreglumenn vopnaðir sveðjum og byssum, ásamt stórvirkum vinnuvélum inná Paga Hill landnemabyggðirnar í borginni Port Moresby á Papúa Nýju Gíneu til að ryðja burt húsum íbúanna. Lögreglumennirnir skutu á mannfjöldann, lömdu og hjóu til fólks með sveðjunum. Svæðið átti að rýma fyrir byggingu fimm stjörnu ferðamannastaðar með hótelum, glæsiíbúðum, verslunum og veitingastöðum. Íslendingur er í forsvari fyrir fyrirtækið sem stóð að framkvæmdinni. Í heimildarmyndinni The Opposition er fylgst með baráttu Joe Moses leiðtoga þeirra 3000 íbúa sem bjuggu á svæðinu. Þrátt fyrir að Joe væri í lífshættu vegna baráttu sinnar gegn stjörnvöldum hélt hann áfram og barðist fyrir fólkið sitt fyrir dómstólum í Papúa Nýju Gíneu í þrjú ár. Heimildarmyndinn hefur verið sýnd víða við mikið lof, meðal annars á Hot Docs í Toronto. Aðstandendur myndarinnar hafa þurft að standa í ströngu fyrir dómstólum til að hrinda tilraunum til að hindra sýngu hennar. Miðstöð um rannsóknarblaðamennsku og Blaðamannafélag Íslands standa fyrir sýningu á heimildarmyndinni The Opposition í Bíó Paradís fimmtudagskvöldið 6. apríl klukkan 20:00. Að lokinni sýningu myndarinnar munu aðstandendur myndarinnar taka við spurningum frá áhorfendum. Umræðum stjórnar Kristinn Hrafnsson blaðamaður. Hér má sjá sýnishorn úr myndinni

Áréttað er hér með fyrir blaðamönnum að umsóknarfrestur um dvöl í sumarhúsum BÍ í sumar er til laugardagsins 1. apríl næstkomandi.  Sótt er um á orlofsvef BÍ hér á síðunni: http://www.orlof.is/press/    

Fjölmiðlamiðstöð kvenna í Bandaríkjunum (Women’s Media Center, WMC) hefur sent frá sér nýja skýrslu stöðu kvenna hjá 20 stærstu fréttastöðvum landsins. Er þar að finna tölfræði yfir þær stöður sem konur hafa, vinnuna sem þær framkvæma, ávinning varðandi stöðu kvenna sem orðið hefur og afturfarir frá síðustu skýrslu samtakanna. Þarna er að finna að mörgu leyti sambærilegar upplýsingar og birtar hafa verið um stöðu kvenna í fjölmiðlum í Evrópu. Þessi skýrsla er mjög ítarleg og fjallar um fjölda karl- og kvennfréttamanna  auk þess að greina viðfangsefni kynjanna og framlag þeirra á ýmsan hátt. Samkvkæmt skýrslunni  vinna karlar 62.3% af fréttaefni því sem kannað var  fyrir árið 2016 en konur unnu 37.77%. Þetta eru nánast nákvæmlega sömu hlutföll og komu fram í könnuninni fyrir 2015. Séu ljósvakamiðlar einir og sér skoðaðir kemur í ljós að hlutur kvenna í fréttum, sem þulir, fréttamenn eða fréttaritarar, beinlínis minnkakði úr 32% árið 2015 niður í 25,2% í fyrra.  Sjá skýrsluna í heild hér  

Enn einu sinni hefur Mannréttindadómstóll Evrópu snúið við niðurstöðu Hæstaréttar Íslands þegar kemur að tjáningarfrelsi blaðamanns.  Í morgun var birt niðurstaða dómstólsins þar sem segir að Hæstiréttur hafi brotið á tjáningarfrelsi Steingríms Sævars Ólafssonar með því að dæma hann árið 2013 fyrir ummæli sem birtust á Pressuni í aðdraganda kosninga til  Stjórnlagaráðs. Steingrímur var þá ritstjóri Pressunnar og ummælin beindust að Ægi Geirdal sem þá var í framboði. Hæstiréttur dæmdi Steingrím til að greiða Ægi 200 þúsund krónur í miskabætur auk 800 þúsund króna málskostnaðar.  Héraðsdómur hafði áður sýknað Steingrím af stefnunni en Hæstiréttur sneri niðurstöðunni við og nú hefur Mannréttindadómstóll Evrópu snúið við niðurstöðu Hæstaréttar með svipuðum rökum og komu fram hjá Héraðsdómi. „Dómur Mannréttindadómstólsins er mikið fagnaðarefni og undirstrikar enn og aftur mikilvægi faglegra vinnubragða í blaðamennsku þegar fjallað er um vandmeðfarin mál,“ segir Hjálmar Jónsson, formaður BÍ.  „Það er full ástæða til að óska Steingrími til hamingju með niðurstöðuna.  Sú þrautseigja sem hann hefur sýnt í þessu máli er aðdáunarverð og er okkur öllum sem berum hagsmuni vandaðrar blaðamennsku fyrir brjósti til eftirbreytni.“ Hjálmar sagði einnig að því miður væri niðurstaða Mannréttindadómstólsins enn einn áfellisdómurinn yfir skilningi Hæstaréttar Íslands á lömálum faglegrar blaðamennsku og mikilvægi tjáningarfrelsins fyrir lýðræðið.  Liðin tíð og fyrri dómar mannréttindadómstólsins bæru þeirri staðreynd sorglegt vitni og undirstrikuðu mikilvægi þess að Hæstiréttur tileinkaði sér ný viðhorf í þessum efnum og léti tjáningarfrelsið njóta vafans.  Þá væri það athyglisvert að í dómi Mannréttindadómstólsins nú væri vitnað í fyrri mál hérlend  sem unnist hefðu fyrir dómstólnum, þ.e. mál þeirra Bjarkar Eiðsdóttur og Erlu Hlynsdóttur, auk fjölda annarra fordæma frá nágrannalöndunum í Evrópu.  Hæstiréttur hefði það þannig ekki sér til afsökunar að þessi viðhorf væru ný af nálinni. Sjá niðurstöðu Mannréttindadómstólsins hér Dóma Hæstaréttar og Héraðsdóms Reykjavíkur má sjá hér Sjá viðtal RÚV við Steingrím Sævar hér