Fréttir

Áhorfendur Fox News sjónvarpsstöðvarinnar í Bandaríkjunum eru  miklu íhaldssamari en áhorfendur helstu keppinauta þeirra, CNN og MSNBC. Þannig segjast aðeins 10% áhorfenda stöðvarinnar vera frjálslyndir, um 23% vera miðjusinnaðir og 60% segjast íhaldssamir. Þetta kemur fram á síðu Pew Research Center og byggir á könnun frá 2012. Ekki munu vera til sambærilegar tölur fyrir Ísland en þó má benda á nýlega grein í Stjórnmálum og stjórnsýslu þar sem viðhorf stjórnmálamanna til íslenskra fjölmiðla voru kortlögð. Þar kemur fram að það fer eftir því hvar í flokki stjórnmálamenn standa hvort þeir telja hina ýmsu miðla halla til hægri eða vinstri eða hvort þeir eru hlutlausir í fréttaumfjöllunum sínum eða ekki. Í meðfylgjandi töflu má sjá einkunnir sem frambjóðendur  í síðustu Alþingiskosningum gáfu fjölmiðlum á fimm þrepa mælikvarða þar sem einkunnin 1= alveg hlutlaus og einkunnin 5= mjög hlutdrægur. Eins og sjá má í neðstu línu töflunnar er RÚV talið minnst hlutdrægt en Morgunblaðið hlutdrægast. Breytileikinn er hins vegar umtalsverður eftir flokkum.

Blaðamannafélag Íslands og útgefendur dagsblaðsins DV og dv.is hafa undirritað nýjan kjarasamning, sem gildir til áramóta. Samningaviðræðurnar áttu sér skammann aðdraganda og gengu mjög vel. Samningurinn verður borinn undir atkvæði til samþykktar eða synjunar síðar í þessari viku. Viðræðum við aðra fjölmiðla, sem standa utan Samtaka atvinnulifsins, miðar vel. Kjaradeildu Blaðamannafélagsins við Samtök atvinnulífsins hefur verið vísað til ríkissáttasemjara og hefur sáttasemjari boðað til fundar í deilunni á morgun, þriðjudag. Samtök atvinnulífsins fara með samninsgumboð fyrir Árvakur, útgefanda Morgunblaðsins, 365 og RÚV.

Magnús Geir Þórðarson var í gærkvöldi ráðinn næsti útvarpsstjóri Ríkisútvarpsins. Stjón félagsins fundaði í gær og var ákvörðunin um ráðningu Magnúsar teknin samhljóða. Sjá meira hér

Dómstólaráð stendur fyrir kynningarfundi með fjölmiðlum þar sem farið verður yfir hlutverk dómstólaráðs og dómstjóra ásamt ýmsu sem viðkemur starfsemi og regluverki dómstóla. Fundurinn fer fram fimmtudaginn 30. Janúar í Dómhúsinu við Lækjartorg kl. 14-16. Dagskrá fundarins er eftirfarandi: 1. Inngangur, hlutverk dómstólaráðs. Ólöf Finnsdóttir, framkvæmdastjóri dómstólaráðs.2. Hlutverk dómstjóra. Ingimundur Einarsson, dómstjóri Héraðsdóms Reykjavíkur.3. Málsmeðferðarreglur einka-og sakamála, frá þingfestingu til dómsuppkvaðningar. Símon Sigvaldason, formaður dómstólaráðs.4. Dómar; refsing, refsiákvörðun, skilorðsdómar, reynslulausn ofl. Þorgeir Ingi Njálsson, dómstjóri Héraðsdóms Reykjaness.5. Reglur um birtingu dóma. Þorgeir Ingi Njálsson, dómstjóri Héraðsdóms Reykjaness.6. Fyrirspurnir.7. Gengið um Dómhúsið við Lækjartorg.

Blaðamannafélag Íslands hefur vísað kjaradeilu sinni við Samtök atvinnulífsins til ríkissáttasemjara og óskað eftir því að hann hafi milligöngu um lausn á kjaradeilu félagsins við SA, en samtökin fara með samningsumboð vegna Árvakurs, 365 og Ríkisútvarpsins. Þetta var ákveðið á fundi samninganefndar BÍ í gær, mánudag. Að mati samninganefndarinnar eru litlar sem engar líkur til þess að samningar takist á næstunni við óbreyttar aðstæður og því er óskað eftir milligöngu ríkisáttasemjara. Jafnhliða munu viðræður um endurnýjun kjarasamninga við þá fjölmiðla sem standa utan Samtaka atvinnulífsins halda áfram.

Umsóknarfrestur um fréttamannastyrki Norðurlandaráðs 2014 hefur verið framlengdur til 31. janúar.  Norðurlandaráð veitir fréttamönnum á Norðurlöndum styrki árlega og árið 2014 kemur í Íslands hlut fjárhæð að jafnvirði 90.000 danskar krónur.  Styrkirnir veita fréttamönnum tækifæri til að auka þekkingu sína á norrænum málefnum og norrænu samstarfi.  Styrkirnir eru veittir einum eða fleiri fréttamönnum dagblaða, tímarita, útvarps- eða sjónvarpsstöðva eða sjálfstætt starfandi blaðamönnum. Við úthlutun fréttamannastyrkja árið 2014 verður horft til verkefna sem tengjast áherslum í formennskuáætlun Svía í Norðurlandaráði á árinu, en einnig er hægt að sækja um vegna verkefna um önnur efni. Áherslur í formennskuáætlun Svía eru: ·  Norðurlönd í Evrópu - Evrópa á Norðurlöndum ·  Norræni vinnumarkaðinn ·  Sjálfbær nýting náttúruauðlinda ·  Friður milli Norðurlanda i 200 ár Þess má geta að vorþingfundur Norðurlandaráðs verður á Akureyri 7.-8. apríl nk. þar sem sérstök áhersla verður á sjálfbæra nýtingu náttúruauðlinda. Fréttamannastyrkjunum er úthlutað til einstaklinga á grundvelli greinargerðar í umsókn. Í umsóknum skal tilgreina hvernig umsækjandi hyggst nota styrk. Einnig skal gera grein fyrir verkáætlun og kostnaðaráætlun. Þá skal tekið fram hvort umsækjandi hafi áður hlotið fréttamannastyrk Norðurlandaráðs. Styrkir eru veittir til eins árs. Styrkþegar skulu senda Íslandsdeild Norðurlandaráðs stutta greinargerð um hvernig styrknum var varið og hvaða efni var unnið í framhaldi af styrkveitingunni. Norðurlandaráð áskilur sér rétt til að nota greinargerðina í sínu starfi. Nánari upplýsingar og umsóknareyðublað má nálgast  hér Umsóknarfrestur rennur út kl. 24 miðvikudaginn 15. janúar 2014. Vinsamlegast skilið umsóknum rafrænt til nr@althingi.is Frekari upplýsingar má nálgast hjá  larusv@althingi.is  

Alþjóðasamband blaðamanna (IFJ) ásamt Evrópusambandi blaðamanna(EFJ) hafa gefið frá sér yfirlýsingu þar sem fyrirhuguð stofnun nýs ríkisútvarps í Grikklandi er gangnrýnd. Þessi áform eru sögð alls ófullnægjandi og fullyrt að fjölmargir blaðamenn muni missa vinnuna og að fjölmiðillinn muni aldrei ná máli og miðast við Aþenu og næsta nágrenni en ekki verða sannur landsmiðill. Grísk stjórnvöld hafa boðað stofnun nýs ríkisútvarps, NERIT, í mars næstkomandi og að þar muni aðeins starfa 132 starfsmenn. Alþjóðlegu blaðamannasamtökin segja að greinilegt sé að lágmarks útgerð af þessu tagi muni aldrei ná að þjóna því aðhalds og gæðahlutverki sem ríkisútvarp þarf að gera til að viðhalda fjölbreytini á markaði og auk þess sé ástæða til að efast um möguleika slíkrar stofnunar itl að vera sjálfstæð. Sjá meira hér

Rétt er að minna á að frestur til að skila inn tilnefningum til Blaðamannaverðlauna fyrir árið 2013 rennur út nú fyrir helgina, en fresturinn er til kl 12:00 föstudaginn 17. janúar 2014. Tilnefningar ásamt fylgigögnum skulu annað hvort berast til skrifstofu Blaðamannafélagsins, Síðumúla 23, Reykjavík eða vera skilað rafrænt á sérstöku tilnefningarformi sem finna má með því að smella á hnappinn "Tilnefnið hér" , sem er hér til hliðar. Eins og á síðasta ári verða verðlaunin veitt í fjórum flokkum en þeir eru þessir: • Besta umfjöllun ársins 2013• Viðtal ársins 2013• Rannsóknarblaðamennska ársins 2013• Blaðamannaverðlaun ársins 2013 Tilnefningar dómnefndar verða síðan gerðar kunnar í laugardaginn 8. febrúar og viku síðar, þann 15. febrúar verða verðlaunin sjálf afhent.

Alls sóttu 39 manns um stöðu útvarpsstjóra. Á næstu dögum verður unnið úr umsóknum og segir í yfirlýsingu frá stjórn RÚV að vonast sé til að ráða í stöðuna fyrir mánaðarmót. Eftirtaldir sóttu um: 1 Árni Thoroddsen 2 Benedikt Sigurðarson ,framkvæmdastjóri 3 Bjarni Guðmundsson, framkvæmdastjóri 4 Björn Þorláksson, ritstjóri og rithöfundur 5 Böðvar Ingi Aðalsteinsson, atvinnubílstjóri 6 Dana Rún Hákonardóttir, verkefnastjóri 7 Davíð Elvar Marinósson, ráðgjafi 8 Edda Björgvinsdóttir, leikari 9 Ester Sveinbjarnardóttir, verkefnastjóri 10 Filipe Carvalho, sölumaður 11 Fjölnir Már Baldursson, kvikmyndagerðamaður 12 Gauti Sigþórsson, lektor 13 Guðjón Pedersen, leikstjóri 14 Guðjón E. Hreinberg 15 Guðmundur Þór Sigurðsson 16 Gunnar Konráðsson, húsasmíðameistari 17 Hallur Guðmundsson, bókavörður 18 Helgi Þorsteinsson ,framkvæmdastjóri 19 Hrafn Gunnlaugsson, kvikmyndaleikstjóri og rithöfundur 20 Hrannar Már Gunnarsson, BA lögfræði 21 Íris Alma Vilbergsdóttir, almannatengill 22 Jón Ólafsson, aðstoðarrektor 23 Ketill Gauti Árnason, nemi 24 Kolbrún Halldórsdóttir, framkvæmdastjóri 25Laufey Guðjónsdóttir, forstöðumaður 26 Magnús Geir Þórðarson, leikhússtjóri 27 Magnús Sigurðsson, almannatengill í ferðaþjónustu 28 Maríanna Friðjónsdóttir, framkvæmdastjóri 29 Magnús Víðisson, sölumaður 30 Michael Jón Clarke, tónlistarmaður 31 Ólafur Páll Gunnarsson, dagskrárgerðarmaður 32 Ólína Þorvarðardóttir, doktor í ísl. bókmenntum og þjóðfræði 33 Salvör Nordal , forstöðumaður 34 Sigurður Ásgeir Árnason, viðburðarstjóri 35 Stefán Jón Hafstein, sviðsstjóri 36 Sveinn Ívar Sigríksson Viðskiptafræðingur 37 Úlfhildur Dagsdóttir, bókmenntafræðingur 38 Víðir Benediktsson, blikksmiður og skipstjóri 39 Þorgils Björgvinsson, tónlistarmaður

Alþjóðasamband blaðamanna (IFJ) hefur opinberlega hrósað Blaðamannafélagsi Svíþjóðar, Svenska Journalistförbundet, fyrir þrotlausa og árangursríka vinnu við að fá tvo sænska fjölmiðlamenn látna lausa úr haldi í Sýrlandi. Blaðamennirnir Magnus Falkehed, sem vinnur fyrir Dagens Nyheter út frá París og   free lance ljósmyndarinn Niclas Hammarström hafa á undanförnum dögum hvor í sínu lagi verið látnir lausir úr haldi óþekktra hópa uppreisnarmanna. Þeir höfðu verið teknir til fanga í nóvember síðast liðnum.  Sjá einnig hér