Fréttir

Stofnaður hefur verið aðgerðahópur BÍ um upplýsingaheilindi sem í eru fulltrúar stærstu fréttastofa landsins ásamt formanni og framkvæmdastjóra BÍ. Hópurinn mun m.a. meta getu íslenskra fréttamiðla til að berjast gegn upplýsingaógnum og móta aðgerðir til að efla viðnámsþol íslenskra fjölmiðla, blaðamanna og þar af leiðandi samfélagsins alls, gegn misbeitingu upplýsinga.

Lokað verður á skrifstofu Blaðamannafélags Íslands á föstudag, 24. október, vegna kvennaverkfalls.

Tengslanetið - félag almannatengla, boðar til viðburðar um siðferði í almannatengslum 29. október nk. kl. 17:00. Tengslanetið er ný deild innan BÍ fyrir félagsfólk sem starfar við hvers kyns samskipti og miðlun.

Formaður BÍ hélt erindi á Lagadeginum 2025 um mikilvægi blaðamennsku á tímum fjölþáttaógna.

BÍ býður félagsmönnum sem stunda sjálfstæðan atvinnurekstur að öllu leyti eða hluta á námskeið um fjármál og rekstur fimmtudaginn 30. október frá 9:00 - 12:00.

Opnað verður fyrir umsóknir um vetrarleigu á orlofshúsum BÍ á tímabilinu janúar til loka maí (fyrir utan páskaleyfi) þann 15. október nk. Umsóknir um vetrarleigu eru afgreiddar eftir því sem þær berast - um þær gildir því reglan „fyrstur kemur fyrstur fær“.

Gunnar V. Andrésson ljósmyndari býður félögum í Blaðamannafélagi Íslands í samkvæmi í tilefni af útgáfu bókarinnar Spegill þjóðar - Fréttamyndir í fimmtíu ár og sagan á bak við þær, sem Sigmundur Ernir Rúnarsson skráði.

Menningarsjóður Blaðamannafélags Íslands auglýsir eftir umsóknum um verkefnastyrki vegna sérstakra verkefna tengdum blaðamennsku. Einungis þeir félagar sem greiða iðgjöld í Menningarsjóð eiga rétt á verkefnastyrkjum. Í úthlutunarreglum Menningarsjóðs kemur fram að auglýsa skuli eftir umsóknum um verkefnastyrki, sem veittir skulu í október og apríl. 

Fyrsta prjónsecco kvöld vetrarins verður haldið á fimmtudaginn 2. okt kl. 20:00 í Síðumúla.

Ísland gegnir formennsku í Norræna blaðamannasambandinu (NJF) í fyrsta skipti frá stofnun sambandsins. Sigríður Dögg Auðunsdóttur, formaður BÍ, verður þar með forseti sambandsins og Freyja Steingrímsdóttir, framkvæmdastjóri þess næstu tvö ár. Ísland tók við formennsku af Norðmönnum á árlegum fundi forsætisnefndar sambandsins í Osló í dag 19. september.