Jón Björnsson(1891-1930)

Jón fæddist í Efstakoti á Upsaströnd í Svarfaðardal, en fluttist til Reykjavíkur 1918 fyrir tilhlutan Ólafs Björnssonar í Ísafold. Hann starfaði á Morgunblaðinu um 10 ára skeið, eða til ársins 1928 að hann fluttist til Akureyrar og stofnaði þar blaðið Norðling sem hann gaf út þar til skömmu fyrir andlát sitt. Auk blaðamennsku skrifaði Jón mikið af bæði bundnu og óbundnu efni, þar á meðal nokkrar skáldsögur.