Lítið miðar í samningaviðræðum Blaðamannafélagsins og SA og í Morgunblaðinu í morgun segir Hjálmar Jónsson formaður BÍ að nú sé unnið að því að útfæra aðgerðir til að þrýsta á um kröfur félagsins. Hann staðfestir þar að í aðgerðaráætlun félagsins felist hugsanlegt verkfall til að hafa hámarks áhrif, og að horft sé til skæruverkfalla í því skyni.
Hjálmar segist þó enn vona að ekki þurfi að koma til aðgerða, en blaðamenn muni og þurfi að fylgja eftir kröfum sínum.